چلاس: پاک فوج کا ہیلی کاپٹر فنی خرابی کے باعث حادثے کا شکار، عملے کے 5 جوان شہید

چلاس (نمائندہ خصوصی) — گلگت بلتستان کے علاقے چلاس میں پاک فوج کا ایک 17-MI ہیلی کاپٹر معمول کی پرواز کے دوران فنی خرابی کے باعث حادثے کا شکار ہو گیا، جس کے نتیجے میں دو پائلٹس سمیت تمام پانچ اہلکار شہید ہو گئے۔

ذرائع کے مطابق حادثہ ہڈر کے مقام پر پیش آیا، جہاں ہیلی کاپٹر دورانِ پرواز اچانک پیش آنے والے تکنیکی مسئلے کے باعث گر کر تباہ ہو گیا۔حادثے کی اطلاع ملتے ہی ریسکیو ٹیمیں فوری طور پر جائے وقوعہ پر پہنچ گئیں اور امدادی کارروائیاں شروع کر دی گئیں۔ بدقسمتی سے ہیلی کاپٹر میں سوار تمام اہلکار موقع پر ہی جامِ شہادت نوش کر گئے۔

آئی ایس پی آر کے مطابق شہید ہونے والوں میں:دو پائلٹستین دیگر عملے کے ارکان شامل تھے۔حکام کا کہنا ہے کہ حادثے کی تحقیقات شروع کر دی گئی ہیں تاکہ فنی خرابی کی نوعیت اور اسباب کا تعین کیا جا سکے۔

وفاقی وزراء، عسکری قیادت اور ملک بھر سے شہریوں نے شہداء کو خراجِ عقیدت پیش کرتے ہوئے ان کے اہل خانہ سے اظہارِ تعزیت کیا ہے۔شہداء کی نمازِ جنازہ فوجی اعزاز کے ساتھ ادا کی جائے گی، جبکہ میتیں آبائی علاقوں کو روانہ کی جا رہی ہیں۔