افریقہ کا غریب ترین ملک بھی سیلاب زدگان کیلئے امداد لےکر پہنچ گیا

(ملک راشد نزیر )افریقہ کا غریب ترین ملک سیلاب زدگان کیلئے امداد لےکر ایتھوپیا کے سفیر جمال باقر کی کراچی آمد،سندھ کےاعلی افسران اور کمشنر کراچی کےہمراہ ملیر میں سیلاب زدگان کیلئے قائم کردہ ٹینٹ سٹی کا دورہ کیا اور سیلاب متاثرہ افراد میں امدادی سامان تقسیم کیا۔ تفصیلات کے مطابق 

کراچی میں قائم سیلاب زدگان ٹینٹ سٹی میں ایتھوپیا کے سفیر جمل بیکر کاصوبہ سندھ میں سیلاب سے متاثرین سیلاب ٹینٹ سٹی کا دورہ کیا،جس میں انہوں نے آٹھ ہزار سے  زائد متاثرین میں بنیادی خوراک، ادویات، رہائش اور غیر خوراکی اشیا تقسیم کیں۔ اس موقع پر انہوں نے کہا کہ یہ انتہائی افسوسناک اور تکلیف دہ ہے کہ جہاں ملک کا ایک تہائی حصہ پانی میں ڈوب گیا اور ، 1600 سے زائد قیمتی جانیں ضائع ہوئیں، 17 لاکھ گھر تباہ،  8 لاکھ کے قریب مویشی، زیادہ تر فصلیں تباہ ہوئیں۔اور اس سیلاب نےہر طرف تباہیمچا دی اسکول، صحت کی سہولیات اور بنیادی ڈھانچے کو تباہ کر دیا جس نے لوگوں کی روزی روٹی کو بہت زیادہ متاثر کیا۔ انہوں نے کہا کہ میں نے ایک چیز دیکھی ہے کہ پاکستانی عوام کے دل مضبوط اور ٹھوس ہیں اور زندہ رہنے، اور صحت یاب ہونے کی بڑی امیدیں ہیں اور اپنی جگہ پر واپسی کا بے صبری سے انتظار کر رہے ہیں۔ لیکن میں نے اپنے آپ سے صرف ایک سوال کیا ہے کہ ان کی واپسی پر ان کے محلے میں ملبے کے سوا اور کیا بچا ہوگا اور صفر سے زندگی کی شروعات کریں گے

جس نے مجھے مزید پریشان کر رکھا ہے۔ یقینی طور پر، میں نے یہ سیکھا ہے کہ بدترین صورتحال کا جائزہ لینے کے بعد ایسا وقت آنے والا ہے کہ کسی بیماری کے پھیلنے کا امکان موجود ہے جس سے پہلے سے متاثر ہونے والے معاشرے کو کافی نقصان پہنچے گا۔ سچ پوچھیں تو پاکستان اکیلے سامنے آنے والے منظرناموں سے نمٹ نہیں سکتا اور عالمی برادری کو اپنی کوششوں کو دوگنا کرنا چاہیے اور انصاف کو یقینی بنانا چاہیے۔

۔