ثاقب اکبر مرحوم ایک ہمہ جہت شخصیت تھے، علامہ نعیم الحسن نقوی
اسلام آباد (۔ ) سید ثاقب اکبر رح ایک ہمہ جہت شخصیت تھے۔ سید ثاقب اکبر رح اللہ اور اس کے رسول ص اور ان کی آل ع کی تعلیمات پر عمل پیرا تھے۔ ان خیالات کا اظہار علامہ نعیم الحسن نقوی نے ان کی دوسری برسی کے موقع پر ان کے مرقد پر مجلس ترحیم کے موقع پر کیا۔
آپ نے علم کے مختلف ذرائع کے بارے میں بیان کیا انہوں نے بتایا کہ رسول اللہ، اہل بیت اور عبد صالحین کے قبور سے علما و مجتہدین کسب فیض کرتے ہیں۔ انہوں نے کہا کہ ہمیں ثاقب اکبر کی زندگی سے سیکھنا چاہیے اور اپنی زندگی میں نظم پیدا کرنا چاہیے اپنے کاموں کو منظم کرنا چاہیے۔
انھوں نے بڑی ہی خوبصورتی سے بتایا کہ ثاقب اکبر نے عمر کا ایک بڑا حصہ امتِ مسلمہ کی شیرازہ بندی کے لیے وقف کیا اور مملکتِ پاکستان کے افق پر وحدت و اتحاد کا سورج طلوع کروانے میں اہم کردار ادا کیا۔
