اسلام آباد -(نمائندہ خصوصی) پاکستان میں ایتھوپیا کے سفیر جمال بیکر نے کہا ہے کہ 5 مارچ کو پاکستان سے ایتھوپیا جانے کے لیے اب تک تجارتی وفد میں شمولیت کے سلسلے میں 70 سے زائد کاروباری افراد نے دستخط کئے ہیں
جس کا مقصد ایتھوپیا میں کاروباری اور سرمایہ کاری سے متعلق مواقع تلاش کرنا ہے۔منگل کے روز اسلام آباد میں پریس بریفنگ سے خطاب کرتے ہوئے ایتھو پیا کے سفیر کہا کہ ہم تاریخ رقم کرنے جا رہے ہیں کیونکہ جن مندوبین کی ہم توقع کر رہے ہیں وہ رجسٹریشن کی آخری تاریخ یکم مارچ سے پہلے 100 کا ہندسہ عبور کر لیں گئےانہوں نے کہا کہ یہ تاریخی تجارتی وفد ایتھوپیا اور پاکستان کے دو طرفہ تعلقات کا پورا منظر نامہ بدل دے گا۔ جمال بیکر نے کہا کہ ایتھوپیا اور
پاکستان کے درمیان دو طرفہ تجارت صرف 78 ملین ڈالر تک ہے لیکن ایک چیز میں آپ کو یقین دلاتا ہوں کہ اس تجارتی وفد سے ہماری دو طرفہ تجارت کو بڑا فروغ ملے گا۔ انہوں نے کہا کہ اس وفد میں ہم نے معیشت کے مختلف شعبوں سے تعلق رکھنے والے کاروباری افراد کو شامل کیا ہے خاص طور پر وہ لوگ جو ایتھوپیا میں تجارت اور سرمایہ کاری کی صلاحیت رکھتے ہیں انہوں نے مزید کہا کہ ایتھوپیا کے دورے پر پاکستانی تاجر برادری کو ،چاول فارماسیوٹیکل مصنوعات کی ایک بڑی مارکیٹ ملے گی جس میں طبی سامان کھیلوں کی اشیاء اور تعمیراتی مواد شامل ہیں . اسی طرح پاکستانی تاجر ایتھوپیا سے زرعی مصنوعات جیسے کافی، چائے، دالیں، تیل کے بیج اور سبزیاں بھی درآمد کر سکتے ہیں جو کہ آخر کار کھانے کی بڑھتی ہوئی طلب کو کم کرنے میں مدد کرے گی۔سفیر نے کہا کہ ایتھوپیا دنیا کی سب سے تیزی سے ابھرتی ہوئی معیشت ہے جہاں صاف توانائی اور ہنر مند مزدوروں سمیت سستی پیداواری لاگت کے ساتھ منافع بخش کاروبار تجارت اور سرمایہ کاری کے مواقع فراہم کیے جاتے ہیں۔ انہوں نے کہا کہ ہم نے 6,500 میگاواٹ کی صلاحیت کے ساتھ سب سے بڑا گرینڈ ایتھوپیا رینیسانس ڈیم تقریباً مکمل کر لیا ہےجمال بیکر نے کہا کہ ایتھوپیا کی حکومت غیر ملکی سرمایہ کاروں کی ہمایت کرتی ہے کیونکہ اس نے اپنی معیشت کو بڑھایااور نجی شعبے کو ملک کی ترقی کے لیے آگے بڑھنے کی ترغیب دی ہے۔انہوں نے مزید کہا کہ براہ راست غیر ملکی سرمایہ کاری کو راغب کرنے کے دیگر اقدامات میں متعدد مراعات اور ون ونڈو خدمات شامل ہیں۔ ہم وزیر اعظم ابیی احمد کی قیادت میں افریقہ کا ایک آئکن بننے کی طرف بڑھ رہے ہیں۔
