ننکانہ صاحب چٸیرمین متروکہ وقف املاک بورڈ حبیب الرحمان گیلانی کی ہدایت پر سیکرٹری شراٸن رانا محمد شاہد نے چٸیرمین پاکستان سکھ گوردوارہ پربندھک کمیٹی سردار امیر سنگھ کے ہمراہ گوردوارہ جنم استھان ننکانہ صاحب کا دورہ کیا اور وہاں دنیا بھر سے آنے والے سکھ یاتریوں کے لٸے زیر تعمیر راٸے بلار بھٹی رہاٸشی بلاک کے کام کا جاٸزہ لیا, گوردوارہ انتظامیہ کی طرف سے انہیں نٸے رہاٸشی بلاک کے بارے بریفنگ دی گٸی انہیں بتایا گیا کہ اس بلاک کی تعمیر سے تین ہزار سے زاٸد سکھ یاتریوں کو گوردوارہ جنم استھان کے اندر ہی بہترین رہاٸشی سہولیات 
کی فراہمی ممکن ہو سکے گی جو یہاں آنے والے ہر یاتری اولین خواہش ہوتی ہے, رانا محمد شاہد نے نٸے بلاک کی تعمیر کا کام مقررہ مدت میں مکمل کرنے اور اس کی تعمیر میں بہترین میٹریل کے استعمال کی ہداٸیت کی انہوں نے کہا کہ سکھ مذہب کے مقدس ترین مذہبی مقام میں ایک مسلمان راٸے بلار بھٹی کے
نام پر بننے والے اس بلاک سے دنیا بھر میں اسلام اور پاکستان کا حقیقی مثبت تشخص اجاگر ہوگا, اس موقع پر سکھ برادری نے تمام سہولیات سے آراستہ بہترین رہاٸشی بلاک کی تعمیر پر حکومت پاکستان اور متروکہ وقف املاک بورڈ کا شکریہ ادا کیا اور ملکی تعمیروترقی اور بین المذاہب ہم آہنگی کے فروغ کے لٸے خصوصی دعا کی۔